हवाई टिकटमा भ्याटबारे सर्वोच्चले छलफलमा बोलायो सरकार पक्षलाई

पर्यटन

गृहपृष्ठ
पर्यटन

हवाई टिकटमा भ्याटबारे सर्वोच्चले छलफलमा बोलायो सरकार पक्षलाई

क्यापिटल नेपालआइतबार, साउन १४, २०८०

काठमाडौं। सर्वोच्च अदालतले हवाई टिकटमा मूल्य अभिवृद्धि कर (भ्याट) लगाइएको विषयमा छलफल गर्न सरकार पक्षलाई बोलाएको छ। अदालतले अल्पकालीन अन्तरिम आदेश जारी गर्दै सरकारी पक्षलाई छलफलमा बोलाएको हो।

सरकारको निर्णयविरुद्ध बिहीबार उत्प्रेषण मिश्रित परमादेश माग गर्दै सर्वोच्च अदालत पुगेका ट्राभल तथा टुर अपरेटरहरूको छाता संगठन नेपाल एसोसिएसन अफ टुर एन्ड ट्राभल एजेन्ट्स (नाट्टा) को रिटमा आइतबार न्यायाधीश अनिलकुमार सिन्हाले अल्पकालीन आदेश जारी गर्दै सरकार पक्षलाई छलफलमा बोलाएको हो।

अर्थमन्त्रीले बजेट व्यक्तव्य सार्वजनिक गरेदेखि नै भ्याट हटाउन माग गर्दै आएको नाट्टाले साउन ४ मा व्यवसायी र पूर्वअध्यक्ष परिषद बैठक गरी कानुनी उपचारमा जाने संस्थागत निर्णय गरेको थियो।

नाट्टाले पर्यटन व्यवसायमा नकारात्मक असर पर्नेलगायत कारण देखाउँदै हवाई टिकटमा भ्याट व्यवसायमैत्री नभएको, आन्तरिक राजस्व विभागद्वारा जारी सूचना अस्पष्ट भएको, अध्ययन नगरी हचुवा भरमा भ्याट लागू गरिएको लगायत कारण देखाउँदै रिट दायर गरेको थियो।

प्रकाशित मिति: आइतबार, साउन १४, २०८० १८:०५

प्रतिक्रिया दिनुहोस्