अर्थमन्त्रीको निर्देशन– भन्सार कार्यालयमा अनधिकृत व्यक्ति प्रवेशमा रोक लगाऔं

अर्थतन्त्र

गृहपृष्ठ
अर्थतन्त्र

अर्थमन्त्रीको निर्देशन– भन्सार कार्यालयमा अनधिकृत व्यक्ति प्रवेशमा रोक लगाऔं

क्यापिटल नेपालबिहीबार, साउन ११, २०८०

काठमाडौं। अर्थमन्त्री डा. प्रकाशशरण महतले त्रिभुवन अन्तर्राष्ट्रिय विमानस्थल र भन्सार विभागमा कार्यरत कर्मचारीलाई दृढताका साथ काम गर्न निर्देशन दिएका छन्।

आज विमानस्थल अनुगमनपछि मन्त्री महतले आगामी दिनमा कुनै पनि बाहानामा वा कुनै पनि तबरबाट गैरकानुनी काम हुन नदिने प्रयासका लागि जिम्मेवार हुन आग्रह गरे।

‘अपराध र तस्कारी गर्ने मनसाय भएका व्यक्तिले नयाँ–नयाँ प्रविधिको प्रयोग गरिरहेका हुन्छन्, हामीले पनि हाम्रो प्रविधि समय सापेक्षा अपग्रेड गर्नुपर्ने हुन्छ,’ उनले भने।

उनले सुन प्रकरणमा मेसिन वा मानविय कमजोरी हो भन्ने छानबिन समितिले पत्ता लगाउने दाबी गरे। मन्त्री महतले भन्सार कार्यालयमा अनधिकृत व्यक्ति प्रवेशमा रोक लगाउन निर्देशन दिएको जानकारी दिए।

सो अवसरमा मन्त्री महतले विमानस्थलमा भन्सार प्रक्रिया पूरा गरी सामान आउँदै गर्दा केकस्ता प्रक्रिया पूरा गर्नुपर्छ र प्राविधिकरूपमा के कस्ता समस्या छन् भन्ने विषयमा जानकारी लिएका थिए।

‘अराइभलदेखि डिपार्चर र कार्गो क्षेत्र सबैमा अनुगमन भयो, काम कसरी भइरहेको छ भन्ने हेरिएको छ,’ उनले भने, ‘सम्बन्धित निकायको समन्वयकारी भूमिका भएमा खण्डमा सुन तस्करी जस्ता गैरकानुनी गतिविधि अन्त्य गर्न सकिन्छ।’

प्रकाशित मिति: बिहीबार, साउन ११, २०८० १४:०१

प्रतिक्रिया दिनुहोस्