तीन दिनभित्र जवाफ नदिए प्राधिकरण महानिर्देशकलाई कारबाही अगाडि बढाउने पर्यटनमन्त्रीको तयारी

पर्यटन

गृहपृष्ठ
पर्यटन

तीन दिनभित्र जवाफ नदिए प्राधिकरण महानिर्देशकलाई कारबाही अगाडि बढाउने पर्यटनमन्त्रीको तयारी

क्यापिटल नेपालबिहीबार, असार २१, २०८०

काठमाडौं। संस्कृति, पर्यटन तथा नागरिक उड्डयनमन्त्री सुदन किराँतीले नेपाल नागरिक उड्डयन प्राधिकरणका महानिर्देशक प्रदिप अधिकारीलाई कानुनी कारबाही अगाडि बढाउने चेतावनी दिएका छन्।

सात दिनको अल्टिमेटम दिएर सोधिएका प्रश्नका जवाफ महानिर्देशक अधिकारीले नदिएपछि मन्त्री किराँतीले बिहीबार थप तीन दिनको म्याद दिएर अर्को पत्र पठाएका हुन्।

पर्यटनले पठाएको ९ बुँदे स्पष्टीकरणको जवाफ पठाउन निर्देशन दिँदै त्योसँगै के कारणले ढिलाइ गरेको हो भन्नेसमेत जानकारी लेखेर पठाउन भनिएको छ। यदि यो पत्रको जवाफ पनि तीन दिनभित्र नदिए कानुनी प्रक्रिया अगाडि बढाउन बाध्य हुने चेतावनी मन्त्री किराँतीले दिएका छन्।

महानिर्देशक अधिकारीले भने आफूलाई पर्यटनमन्त्रीले स्पष्टीकरण (कुनै प्रश्न) सोध्न नमिल्ने दाबी गर्दै आएका छन्। मन्त्री किराँतीले सोधेका प्रश्न सामाजिक सञ्जालमा राखेर नागरिक उड्डयन सुरक्षाप्रति नै प्रश्न उठाउने काम गरेको ठहर प्राधिकरणले गरेको छ।

आफू मन्त्रिपरिषद निर्णयबाट महानिर्देशक नियुक्त भएको भन्दै महानिर्देशक अधिकारीले प्रश्न वा जिज्ञासा भए पनि पर्यटन मन्त्रालयले सोध्न नमिल्ने अडान राख्दै आएका छन्।

प्रकाशित मिति: बिहीबार, असार २१, २०८० १२:०२

प्रतिक्रिया दिनुहोस्