कोरोना संक्रमितको संख्या २० हजार नाघ्यो, आज ३१५ जना थप

काठमाडौं- नेपालमा कोरोना संक्रमितको संख्या २० हजार नाघेको छ। पछिल्लो २४ घण्टामा ३१५ जना संक्रमित थप भएसँगै कुल संक्रमितको संख्या २० हजार ८६ पुगेको हो।

स्वास्थ्य तथा जनसंख्य मन्त्रालयका अनुसार पछिल्लो २४ घण्टामा ६ हजार ९८३ जनाको पीसीआर नमुना परीक्षण गरिएको छ।

अहिले देशका विभिन्न क्वारेन्टिनमा रहेका व्यक्तिको संख्या ११ हजार ५३३ रहेको छ।

पछिल्लो २४ घण्टामा ९३ जना डिस्चार्ज भएका छन् भने आजसम्म डिस्चार्ज हुनेको संख्या १४ हजार ४९२ जना रहेको छ।

हाल मुलुकमा ५ हजार ३३८ सक्रिय संक्रमित रहेका छन्। जसमा प्रदेश नं. १ मा २२५ जना, प्रदेश नं. २ मा २ हजार ६६ जना, बागमती प्रदेशमा ५७५ जना गण्डकी प्रदेशमा ३२३, प्रदेश नं. ५ मा ३८७ जना, कर्णाली प्रदेशमा २९७ जना र सुदूरपश्चिम प्रदेशमा १ हजार ६७५ जना सक्रिय संक्रमित रहेका छन्।