उपभोक्ता समिति गठनमा विवाद हुँदा झडप, ६ जना घाइते

काठमाडौं- बारामा उपभोक्ता समिति गठन गर्ने विषयमा बुधबार बिहान विवाद हुँदा झडप भएको छ।

झडपमा ६ जना घाइते भएका छन्। प्रहरीका अनुसार जितपुरसिमरा उपमहानगरपालिका–२४ हरपुरमा दुधौरा खोलामा ड्याम निर्माणका लागि उपभोक्ता समिति गठन गर्न भेला बसेको थियो।

प्रदेश सरकारबाट आएको बजेटको काम गर्न उपभोक्ता समिति गठन गर्न बसेको भेलामा दुई पक्षबीच सहमति नहुँदा झडप भएको बारा प्रहरीका प्रवक्ता गौतम मिश्रले जानकारी दिए।

घाइतेलाई अस्पताल लगिँदै गरेको मिश्रले बताए। घाइतेहरुको विवरण आउन बाँकी रहेको उनले जानकारी दिए।