जहाजको ढोका बन्द नगरेको भन्दै नेवानिका दुई इन्जिनियर परे निलम्बनमा

पर्यटन

गृहपृष्ठ
पर्यटन

जहाजको ढोका बन्द नगरेको भन्दै नेवानिका दुई इन्जिनियर परे निलम्बनमा

क्यापिटल नेपालसोमबार, चैत ६, २०७९

काठमाडौंं। नेपाल नागरिक उड्डयन प्राधिकरणले नेपाल वायुसेवा निगम (नेवानि) का दुई इन्जिनियरलाई जहाजको ढोका रातभरि खुला राखेको भन्दै निलम्बन गरेको छ।

प्राधिकरणले नेवानिका दुई इन्जिनियरलाई निलम्बन गरि आवश्यक कारबाहीका लागि छानविन समिति बनाउन समेत निर्देशन दिएको सुचना अधिकारी ज्ञानेन्द्र भुलले जानकारी दिए।

निगमका दुईजना एरोनटिकल इन्जिनियरले वाइडबडी जहाज १८ मार्चको रातभर ह्यांगरमा राख्दा ककपिटको ढोका खुला भएको पाइएपछि कारवाही गरेको जनाएको छ।

जहाजको ककपिटको बायाँतर्फको ढोका बन्द र दायाँतर्फको ढोका रातैभर खुलै छाडेका कारण विमानको निरीक्षण गर्ने दुई इन्जिनीयरलाई ग्राउन्डेड गरिएको सूचना अधिकारी भुलको भनाइ छ।

जहाज अवतरण गरी पार्किङमा लगिसकेपछि ढोका राम्रोसँग बन्द भएको हुनुपर्ने र ढोका खुला हुँदा बाहिरबाट अनावश्यक व्यक्तिको प्रवेश हुनसक्ने तथा शंकास्पद वस्तु विमानमा राख्न सक्ने जोखिम भएकाले पनि इन्जिनीयरलाई कारबाहीका लागि ग्राउन्डेड गरिएको सूचना अधिकारी भुलले जानकारी दिए।

प्रकाशित मिति: सोमबार, चैत ६, २०७९ १८:२१

प्रतिक्रिया दिनुहोस्