कम्प्युटर एसोसिएसन महासंघको अध्यक्ष पदमा रणजितकुमार पौदारको एकल उम्मेदवारी

मुख्य समाचार

गृहपृष्ठ
मुख्य समाचार

कम्प्युटर एसोसिएसन महासंघको अध्यक्ष पदमा रणजितकुमार पौदारको एकल उम्मेदवारी

क्यापिटल नेपालबुधबार, पुस ६, २०७९

काठमाडौं । कम्प्युटर एसोसिएसन नेपाल महासंघ (क्यान महासंघ)को अध्यक्ष पदमा एकल उम्मेदवारी परेको छ ।

यही पुस ९ गते शनिबार हुनगइरहेको क्यान फेडरेसनको केन्द्रीय साधारणसभा एवं महाधिवेशनमा अध्यक्ष पदमा वर्तमान महासंघका उपाध्यक्ष रणजितकुमार पौदारको मात्र उम्मेदवारी परेको हो ।

सूचना प्रविधि क्षेत्रमा काम गर्नेहरूको सबैभन्दा ठूलो छाता संगठनको रुपमा रहेको क्यान महासंघको अध्यक्ष पदमा यसअघि महासंघका सचिव चिरञ्जीवी अधिकारी र उपाध्यक्ष पौदार मैदानमा उत्रने चर्चा थियो । तर, अधिकारीले उम्मेदवारी दर्ता नगराएपछि पौदारको एकल उम्मेदवारी परेको हो ।

देशभरका सबै जिल्लामा जिल्ला शाखाहरूको साधारणसभा तथा अधिवेशन तथा प्रदेश समितिहरूको साधारणसभाको अधिवेशन यसअघि नै सम्पन्न भइसकेको छ । महासंघका वर्तामान उपाध्यक्ष पौदारकाअनुसार दाबी विरोधका लागि दुई बजेसम्मको समय छट्याइएको छ ।

हालसम्म कुनै दाबी विरोध नपरेको र अब दुई घण्टा केही नपरेको खण्डमा सर्वसम्मत अध्यक्ष पदमा निर्वाचित हुने उनले जानकारी दिए ।