‘आइफोन–१५ अल्ट्रा’ को सूचना चुहावट, हालसम्मकै महँगो पर्ने

मुख्य समाचार

गृहपृष्ठ
मुख्य समाचार

‘आइफोन–१५ अल्ट्रा’ को सूचना चुहावट, हालसम्मकै महँगो पर्ने

क्यापिटल नेपालबुधबार, मंसिर २८, २०७९

एजेन्सी। एप्पलको आइफोन–१५ अल्ट्रा २०२३ अबको ६ महिनाभित्र आउने भएको छ। तर फोनका केही विशेषताको सूचना हालै चुहावट भएको छ। आइफोन १४ प्रो म्याक्सभन्दा महँगो हुने बताइए पनि एक रिपोर्टकाअनुसार आइफोन १४ प्रो म्याक्स भन्दा आइफोन १५ अल्ट्रा २०० डलर बढी पर्न सक्ने जनाएको छ।

फोर्ब्सले सार्वजनिक गरेको रिपोर्टमा आइफोन १५ अल्ट्रा एक हजार २९९ डलरदेखि माथि पर्न सक्ने बताएइको छ। यस वर्षको सबैभन्दा महँगो आइफोन १४ प्रो म्याक्सको मूल्य कम्तिमा एक हजार ९९ डलर रहेको छ। लिक भएको सूचनाअनुसार आइफोन १४ प्रो म्याक्स भन्दा आइफोन १५ अल्ट्राको २०० डलर धेरै पर्न सक्छ। यस स्मार्टफोनमा २५६ जीबी स्टोरेज हुने अनुमान गरिएको छ। यसको अर्काे भेरियन्टमा १ टिबी इन्टरनल स्टोरेज हुन सक्छ जसको मूल्य एक हजार ७९९ अमेरिकी डलर पर्न सक्छ।

आइफोन १५ अल्ट्रा अन्य आइफोनभन्दा धेरै महँगो पर्ने अनुमान गरिएको छ। बढ्दो उत्पादन लागत र मुद्रास्फितीले कम्पनीको बैंकमा भएको रकमको अवमूल्यन हुने उक्त रिपोर्टमा लेखिएको छ। लाइनअपमा भएका अन्य फोनहरुको मूल्य निर्धारणको भने सो रिपोर्टमा जानकारी दिइएको छैन। आइफोन १५ अल्ट्रामा ए १६ भन्दा शक्तिशाली प्रोसेसर हुने आशा गरिएको छ।

सो फोनमा उच्च र्याम र प्रिमियम टाइटानियम बडी हुने पनि सूचना सार्वजनिक भएको छ। टाइटानियमले आउँदो आइफोन १५ अल्ट्रालाई प्रिमियम अनुभव मात्र नदिएर स्मार्टफोनलाई हल्का,बलियो र स्क्रयाच प्रतिरोधी पनि बनाउँछ। टाइटानियम केस अन्य आइफोनभन्दा ३५ पटक बढी महँगो हुनेछ। आउँदो स्मार्टफोनमा डुयल क्यामरा हुने र युएसबी टाइप सी चार्जर हुने पनि सूचना चुहिएको छ।

प्रकाशित मिति: बुधबार, मंसिर २८, २०७९ १०:४७

प्रतिक्रिया दिनुहोस्