सानिमा बैंकका ग्राहकलाई दराजकाे ‘दराज १२.१२’ योजनामा विशेष छुट

मुख्य समाचार

गृहपृष्ठ
मुख्य समाचार

सानिमा बैंकका ग्राहकलाई दराजकाे ‘दराज १२.१२’ योजनामा विशेष छुट

क्यापिटल नेपालआइतबार, मंसिर २५, २०७९

काठमाडौं। सानिमा बैंकका ग्राहकले दराजकाे ‘दराज १२.१२’ योजनामा विशेष छुट पाउने भएका छन्।

बैंक र दराजबीच याेजनामा विशेष छुट दिने सहकार्य भएसँगै ग्राहकले सामान खरिदमा विशेष छुट पाउने भएका हुन्। ग्राहकले दराजबाट सामान खरिद गर्दा सानिमा बैंकको डेबिट वा क्रेडिट कार्डबाट भुक्तानी गर्दा विशेष छुट पाउने छन्।

याेजनाअन्तर्गत ग्राहकले डेबिट कार्डबाट भुक्तानी गर्दा १० प्रतिशत वा अधिकतम एक हजार रुपैयाँसम्मको छुट तथा क्रेडिट कार्डबाट भुक्तानी गर्दा १२ प्रतिशत वा अधिकतम एक हजार २ सय १२ रुपैयाँसम्मको छुट प्राप्त गर्न सक्नेछन्।

योजनामा सिमित छुट मात्र उपलब्ध हुने भएकाले छुट प्रदान गर्दा पहिलोलाई प्राथमिकता दिइनेछ। छुटका लागि ग्राहकले दराजको एप वा वेबसाइटबाट लगईन गरी दिउँसो २ देखि ३ बजेसम्म बैंक भौचर सङ्कलन गरी खरीद गर्नुपर्नेछ।

यसैगरी क्रेडिट कार्ड प्रयोगकर्ताले मासिक किस्ताबन्दी (इएमआइ) सुविधा पनि प्राप्त गर्न सक्नेछन्। योजना मंसिर २६ देखि पुस ३ गतेसम्म ७ दिनका लागि लागू हुनेछ।

प्रकाशित मिति: आइतबार, मंसिर २५, २०७९ १९:०२

प्रतिक्रिया दिनुहोस्