डिल्लीबजार मालपोतका तत्कालीन उपसचिव अधिकारीविरुद्ध भ्रष्टाचार मुद्दा

मुख्य समाचार

गृहपृष्ठ
मुख्य समाचार

डिल्लीबजार मालपोतका तत्कालीन उपसचिव अधिकारीविरुद्ध भ्रष्टाचार मुद्दा

क्यापिटल नेपालमंगलबार, मंसिर ६, २०७९

काठमाडौं । सरकारी जग्गा व्यक्तिको नाममा नामसारी गरेर भ्रष्टाचार गरेको आरोपमा अख्तियार दुरुपयोग अनुसन्धान आयोगले मालपोत कार्यालय डिल्लीबजारका तत्कालीन उपसचिव परशुराम अधिकारीविरुद्ध भ्रष्टा चार मुद्दा दायर गरेको छ ।

अधिकारीले काठमाडौं महानगरपालिका–१६ को कित्ता नं १३९९ को ९१.३१ वर्गमिटर जग्गा सरकारको स्वीकृतिविना भक्तरत्न तुलाधरको नाममा कायम हुने गरी निर्णय गरेको अख्तियारले बताएको छ । अख्तियारले अधिकारीसँग २१ लाख ३० हजार ३ सय ८१ रुपैयाँ बिगो माग गर्दै भ्रष्टाचार मुद्दा दायर गरेको हो ।

तत्कालीन मालपोत अधिकृत सीताराम पोखरेल, तत्कालीन नायब सुब्बा ताराप्रसाद जोशी र प्रसाराम भुसाल र जग्गाधनी बन्ने भक्तरत्न तुलाधरविरुद्ध पनि अख्तियारले भ्रष्ट्राचार मुद्दा दायर गरेको छ ।

प्रकाशित मिति: मंगलबार, मंसिर ६, २०७९ १४:०८

प्रतिक्रिया दिनुहोस्