विराटनगर भन्सार कार्यालयद्वारा भदौ महिनामा ६५ प्रतिशत राजस्व संकलन

मुख्य समाचार

गृहपृष्ठ
मुख्य समाचार

विराटनगर भन्सार कार्यालयद्वारा भदौ महिनामा ६५ प्रतिशत राजस्व संकलन

क्यापिटल नेपालशुक्रबार, असोज १४, २०७९

विराटनगर । विराटनगर भन्सार कार्यालयले भदौ महिनामा लक्ष्यको ६५ दशमलव २३ प्रतिशत मात्रै राजस्व संकलन गरेको छ । विराटनगर भन्सारले भदौ महिनाका लागि ४ अर्ब ७६ करोड ८५ लाख २९ हजार रूपैयाँ राजस्व असुलीको लक्ष्य पाएकामा ३ अर्ब ११ करोड १ लाख ८० हजार रूपैयाँ राजस्व संकलन गर्न सफल भएको हो ।

विराटनगर भन्सारले साउन महिनामा पनि लक्ष्यअनुसार राजस्व संकलन गर्न सकेको थिएन । साउनमा लक्ष्यको करिब ८१ प्रतिशत राजस्व संकलन गरेको थियो । साउन महिनामा विराटनगर भन्सारले ३ अर्ब ६४ करोड ८६ लाख ४१ हजार रूपैयाँ राजस्व संकलन गर्ने लक्ष्य पाएको थियो । कार्यालयले सो महिला २अर्ब ९५ करोड १४ लाख ७० हजार रूपैयाँ संकलन गरेको थियो ।

विराटनगर भन्सार कार्यालयका सूचना अधिकारी रामचन्द्रप्रसाद ढुङ्गानाले सरकारले आयातमा गरेको कडाइ र भारतीय सीमावर्ती जोगबनी बजार नजिकैको वीरगञ्ज पुल भासिएर सडक अवरुद्ध भएका कारण विराटनगर नाकाबाट हुने आयात अन्य नाकाबाट हुन थालेका कारण राजस्व संकलन प्रभावित भएको बताए।

प्रकाशित मिति: शुक्रबार, असोज १४, २०७९ १०:१६

प्रतिक्रिया दिनुहोस्