काठमाडौंं। विश्वमै सबैभन्दा चाँडो वृद्धि भइरहेको स्मार्टफोन ब्रान्ड रियलमीले अहिलेसम्मकै सबैभन्दा सस्ताे मूल्यको ५जी स्मार्टफोन रियलमी ९आइ ५जी लन्च गरेको छ।
याे स्मार्टफोनमा २.४ गिगाहर्जको गतिमा सञ्चालन हुने अक्टा–कोर सिपियु छ। यसमा ५जी नेटवर्कको ५जी डुअल सिम डुअल स्ट्यान्डबाईमा राख्न मिल्छ।
लन्च कार्यक्रममा बाेल्दै रियलमी नेपालका कन्ट्री हेड मुनिष गिरीले प्रविधि र नयाँँ आविष्कारलाई सँग–सँगै राखी अगाडि बढिरहेको बताए। ५जी लाई धेरै भन्दा धेरै उपभोक्तामा पुर्याउने मुख्य उद्देश्य रहेको उनले बताए।
९आइ ५जी बजारमा ल्याएको बताउँदै उनले भने ‘उपभोक्ताले फोनको उत्कृष्ट फिचरस र डिजाईनकोे राम्रो अनुभव लिनुहुनेछ । अहिलेको बजार हिस्सालाई कायम राख्दै नेपाली बजारमा १ करोड रियलमी स्मार्टफोन उपलव्ध गराउने लक्ष्य लिएका छौँ ।’
उनले थपे ‘५ हजार मेर्घाहर्जको बलियो ब्याट्रि भएको फोनमा सुपर पावर सेभिङ मोड पनि रहेको छ।
यस्तै यो सेगमेन्टकै सबैभन्दा ठूलो सेन्सर र ५० एमपिको अल्ट्रा एचडि प्राइमरी क्यामेरासहितको ५० एमपिको एआइ ट्रिपल क्यामेरा छ।
यस्तै डाइनामिक र्याम एक्स्पान्सन टेक्नोलोजीले मेमोरी कार्डमा ३ जिबीसम्म भर्चुअल र्याम थप्न मिल्छ। साथै यसको क्यापासिटिभ रिकग्निसन सिस्टम युक्त फास्ट साइड स्क्यानरले मात्र एक प्रेसमा फोन तुरुन्तै अनलक गर्छ।
रियलमी ९आइ ५जी भदौ २८ गतेबाट दराजलगायत नेपालभरि रहेका रियलमीका १ हजार भन्दा बढी स्टोरहरूमा उपलब्ध हुनेछ । मेटालिका गोल्ड, र रकिंग ब्ल्याक रंग उपलब्ध यो फोनको मूल्य २९ हजार ९ सय ९९ तोकिएको छ ।
