कोहलपुर दुर्घटना : तनाव नरोकिएपछि कर्फ्यु आदेश

बाँके- बाँकेको कोहलपुरमा ट्रकले एक विद्यार्थीलाई ठक्कर दिएपछि उत्पन्न तनाव नरोकिँदा कर्फ्यु लागेको छ।

ट्रकको ठक्करबाट घाइते भएकी विद्यार्थीलाई थप उपचारका लागि नेपालगंजबाट काठमाडौं पठाइएको छ।

कोहलपुरमा बिहानैदेखि सुरु भएको तनाव नरोकिएपछि जिल्ला प्रशासन कार्यालयले बाँकेले दिउँसो ३ बजेदेखि लागू हुने गरी कर्फ्यु आदेश गरेको हो।

बिहान विद्यालय जाना आफ्ना बुवासँग स्कुटीमा गएकी प्रगति चन्द स्कुटीबाट भर्नासाथ दुर्घटनामा परेकी थिइन्।

कोहलपुरबाट नेपालगंज जाँदै गरेको ट्रकले प्रगतिलाई ठक्कर दिएपछि आक्रोशित बनेका स्थानीय र विद्यार्थीले चालक र ट्रकलाई ढुंगाले हान्न खोज्दा प्रहरीले रोक्न खोजेको थियो।

प्रहरीले रोक्न खोज्दा आक्रोशित विद्यार्थीले प्रहरीमाथि पनि ढुंगामुढा गरेका छन्।

दुर्घटनाको बाहनामा प्रहरी र विद्यार्थीको झडप हुन थालेपछि थुप्रै विद्यार्थीसमेत घाइते भएका छन्।

प्रहरीले विद्यार्थीलाई लखेटी लखेटी कुट्ने र विद्यालय हाताभित्रै पसेर लछारपछार गर्न थालेपछि स्थानीयवासीसमेत ढुंगामुढा गर्न सडकमा निस्किएका थिए।

स्थिती असामान्य बसेपछि दिउँसो बसेको जिल्ला सुरक्षा समितिको बैठकले कर्फ्यु लगाउने निर्णय गरेको हो।