रोजगारीका लागि साइप्रस पठाउने भन्दै विज्ञापन गर्ने एलायन्स कन्सल्टेन्सीमा विभागको छापा

मुख्य समाचार

गृहपृष्ठ
मुख्य समाचार

रोजगारीका लागि साइप्रस पठाउने भन्दै विज्ञापन गर्ने एलायन्स कन्सल्टेन्सीमा विभागको छापा

क्यापिटल नेपालमंगलबार, साउन २८, २०७६

काठमाडौं । वैदेशिक रोजगार विभागले अवैध रुपमा वैदेशिक रोजगारीका लागि यूरोपका विभिन्न मुलुकमा पठाउने कार्य गरिरहेको सूचनाका आधारमा सिनामङ्गलस्थित एलायन्स इनटरनेशनल एजुकेश कन्सल्टेन्सीमा आकस्मिक अनुगमन गरेको छ ।

सो कन्सल्टेन्सीले सामाजिक सञ्जालमार्फत यूरोपका मुलुकमा विभिन्न पदमा रोजगारीमा पठाउने भन्दै विज्ञापन गरी अवैध रुपमा वैदेशिक रोजगारसम्बन्धी कार्य गरेको भन्दै विभागले अनुगमन गरेको हो ।

अनुगमनका क्रममा उक्त कन्सल्टेन्सीबाट साइप्रसमा वैदेशिक रोजगारमा जानको लागि अवेदन दिएका व्यक्तिको आवेदन फायल तथा राहदानीको स्क्यान कपी, कामदार भिषा र यूरोपका विभिन्न मुलुकमा कामदार भिषामा पठाएका व्यक्तिको विवरण समेत फेला परेको थियो ।

अनुगमन टोलीले कन्सल्टेन्सीमा भेटिएका वैदेशिक रोजगारसम्बन्धी कागजात र कम्प्युटर जफत गरेको छ । कन्सल्टेन्सीका सञ्चालक सुजितकुमार श्रेष्ठलाई आवश्यक बयानका लागि विभागमा उपस्थित हुन निर्देशन दिइएको विभागले जनाएको छ ।

पछिल्ला दिनमा शैक्षिक परामर्शदाताको रुपमा दर्ता भएर विभिन व्यक्तिसँग मोटो रकम लिई नियमविपरीत विभिन्न मुलुकमा वैदेशिक रोजगारीमा पठाउने क्रम बढेको छ । शिक्षा मन्त्रालयसँग समन्वय गरेर अनुगमनलाई तीव्रता दिइने विभागले जनाएको छ ।

प्रकाशित मिति: मंगलबार, साउन २८, २०७६ ०९:३९

प्रतिक्रिया दिनुहोस्