बैंक खाता सिधै ई–सेवा एकाउन्टमा लिंक गर्न सकिने

मुख्य समाचार

गृहपृष्ठ
मुख्य समाचार

बैंक खाता सिधै ई–सेवा एकाउन्टमा लिंक गर्न सकिने

क्यापिटल नेपालसोमबार, वैशाख २०, २०७८

काठमाडौं । भुक्तानी सेवा प्रदायक प्रयोगकर्ताले ई–सेवा एकाउन्टलाई सिधै बैंक खातामा लिङ्क गर्न सक्ने भएका छन् । यो सँगै आफूले चाहेको बैंक खातामा इसेवा खाता लिंक गरी अझ सहज ढंगले ई–सेवा खातामा रकम लोड गर्न सकिने कम्पनीले जनाएको छ ।

प्रयोगकर्तालाई रकम लोड गर्न अझ सहज होस् भन्ने उद्देश्यले एकाउन्ट लिंक गर्न सकिने सुविधा ल्याएको इसेवाका प्रमुख कार्यकारी अधिकृत सुभास सापकोटाले बताए ।

“जहिले पनि आफ्ना प्रयोगकर्तालाई नविनतम सेवा दिनका लागि र्इ–सेवा अग्रसर छ । नयाँ सेवाका साथै प्रयोगकर्तालाई रकम लोड गर्नका लागि अझ सहज होस् भन्ने कुरालाई ध्यानमा राख्दै यो सेवाको सुरूवात गरेका हौं,” उनले भने ।

एकाउन्ट लिंक सेवा प्रयोग गर्नका लागि इसेवा प्रयोगकर्ताको इसेवा एकाउन्ट प्रमाणित भएको हुनुपर्नेछ । साथै यो सेवा लिनका लागि ई–सेवा प्रयोगकर्तासँग एकाउन्ट लिंक गर्ने बैंकको मोबाइल बैंकिङ लिएको हुनुपर्नेछ भने ई–सेवामा भएको मोबाइल नम्बर र बैंकमा रहेको मोबाइल नम्बर पनि एउटै हुनुपर्ने जनाइएको छ ।

प्रकाशित मिति: सोमबार, वैशाख २०, २०७८ १९:३९

प्रतिक्रिया दिनुहोस्