फुडमाण्डुबाट खरिद गर्दा ‘आईएमई पे’बाट भुक्तानी गरे २५ प्रतिशत क्यास ब्याक पाइने

मुख्य समाचार

गृहपृष्ठ
मुख्य समाचार

फुडमाण्डुबाट खरिद गर्दा ‘आईएमई पे’बाट भुक्तानी गरे २५ प्रतिशत क्यास ब्याक पाइने

क्यापिटल नेपालमंगलबार, चैत ३, २०७७

काठमाडौं । फुडमाण्डुबाट खाना र खाजा मगाउँदा आईएमई पेबाट भुक्तानी गरे २५ प्रतिशत क्यास ब्याक पाइने भएको छ ।

‘आईएमई पे र फुडमाण्डुबीच मंगलबार भएको सम्झौताअनुसार ग्राहकहरूले क्यास ब्याक पाउने भएका हुन् । खसम्झौताअनुसार नेपालकै पहिलो अनलाइन फुड डेलिभरि सेवा प्रदायक कम्पनी फुडमाण्डुबाट खरिद गर्दा सेवाग्राहीहरूले अबदेखि ‘आईएमई पे एप’मार्फत सजिलैसँग भुक्तानी गर्न सक्ने छन् ।

फुडमाण्डु र आईएमई डिजिटल सोलुसन लिमिटेडबीच भएको सम्झौतापश्चात अबदेखि आइएमई पेको भुक्तानी सेवा फुडमाण्डुको एप र वेब दुवैमा सुुरु गरिएको हो ।

आईएमई डिजिटल सोलुसन लिमिटेडका बजार प्रमुख गुण श्रेष्ठले फुडमाण्डुमा ‘आइएमई पे’ को भुक्तानी सेवासँगै २५ प्रतिशत क्यास ब्याकको योजना पनि सुुरु भएको हुँदा आईएमई पेबाट भुक्तानी गरी सेवाग्राहीहरूले अधिकतम फाइदा लिनेमा आफू विस्वस्त रहेको बताए ।

सेवा सुुरुआत गरिएको उपलक्ष्यमा बोल्दै फुडमाण्डुका ब्राण्ड, मार्केटिङ तथा बिक्री प्रमुख श्यामरत्न मालीले फूडमाण्डुबाट खरिद गर्दा ‘आईएमई पे’ मार्फत भुक्तानी गर्न सकिने हुँदा सेवाग्राहीहरूलाई अझ सजिलो हुने र क्यास ब्याकको फाइदा पनि उठाउन सक्ने विश्वास व्यक्त गरे ।

सेवाग्राहीहरूले फुडमाण्डुसँग आबद्ध ६०० भन्दा बढी रेस्टुराँहरूबाट अनलाइन अर्डर गरी सजिलै विद्युतीय भुक्तानी गरी घर अफिसमै खानेकुरा प्राप्त गर्न सक्नु हुनेछ । फुडमाण्डुको सेवा उपत्यकालगायत पोखराबाट पनि प्राप्त गर्न सकिने व्यवस्था मिलाइएको छ ।

प्रकाशित मिति: मंगलबार, चैत ३, २०७७ १६:४०

प्रतिक्रिया दिनुहोस्