मनकामना केबुलकार बुधबार बन्द हुने

काठमाडौं- टावर मर्मत गर्नुपर्ने भएपछि गोरखाको मनकामना केबुलकार आगामी बुधबार बन्द हुने भएको छ। एक दिनको मर्मतसम्भार सकिएलगत्तै कम्पनीले बिहीबारबाट सेवा पुनः सुरु गर्ने बताइएको छ।

केबुलकार टावर नियमित मर्मतसम्भार गर्नुपर्ने भएका कारण एक दिनका लागि सेवा बन्द गर्न लागिएको हो। कम्पनीले केही समयअघि एनालगबाट डिजिटल प्रणालीमा केबुलकारलाई स्तरोन्नति गरेको थियो।

केबुलकारको टावर, गोन्डोला, बुलह्‍वील लगायत उपकरण भने साबिककै रहेको छ भने यो केबलकार नेपालकै पहिलो डिजिटल कनेक्ट सिस्टम सहितको केबुलकार रहेको छ।