काठमाडौं- सातदोबाटोस्थित अन्तर्राष्ट्रिय खेलकुद परिसरको हातामा रहेको ‘आउटडोर’ पौडी पोखरी सर्वसाधारणका लागि खुला गरिएको छ।
आजदेखि सुरु भएको उक्त पौडी पोखरी भदौ मसान्तसम्म सञ्चालन गरिने अन्तर्राष्ट्रिय खेलकुद परिसरका प्रमुख देवराज कट्वालले जानकारी दिए।
दैनिक तीन सेवामा पौडी पोखरी सञ्चालन हुनेछ। पहिलो सेवा बिहान १०-१२ बजे, दोस्रो अपराह्न १-३ बजे र तेस्रो ४-७ बजेसम्म सञ्चालन हुनेछ।
व्यक्तिगतका लागि प्रति सिफ्ट रू दुई सय, मासिक चार हजार, त्रैमासिक १० हजार, प्रशिक्षणसहित प्रतिमहिना पाँच हजार र प्रशिक्षणसहित त्रैमासिक १३ हजार शुल्क तोकिएको छ।
गत वर्ष सिजनमा करिब ५० हजारले पौडी खेलेका थिए भने एक करोड आम्दानी भएको प्रमुख कट्वालले जानकारी दिए।
प्रकाशित: Mar 30, 2023| 22:16 बिहीबार, चैत १६, २०७९
